BUZÓN DE SUXERENCIAS

Boas de novo! Pancho e Flora queren ter en conta as recomendacións dos lectores e lectoras do cole e é por iso que inauguramos o noso buzón de suxerencias! A maiores das novas incorporacións á biblioteca queremos darlle unha segunda vida a aqueles libros que xa non ledes, pero que se atopan en bo estado e sexan actuais. A partires do martes 14 de novembro e ata o martes 21 podedes aportar un máximo de dous libros por alumno/a. Graciñas pola colaboración

 Na biblio de Pancho e Flora estamos de estrea...

Neste segundo trimestre, apostamos pola banda deseña.

Os cómics son unha fantástica ferramenta educativa que nos

 axudarán a promocionar a lectura entre o noso alumnado.

Este tipo de libros aportan múltiples beneficios como:

1. Achegarse á lectura dun modo áxil, divertido, atractivo e visual.

2. Fomentar o hábito lector entre a poboación infantil e xuvenil

3. Axudar a enriquecer o vocabulario grazas a súa rápida asociación coa imaxe.

4. Agudizar o pensamento ao ter que interpretar imaxe + texto.

5. Promover a aprendizaxe de temas moi diversos.

6. Facilitar a concentración, memorización, expresión escrita e oral...

7. Desenvolver a imaxinación e fomentar a creatividade....

8. Servir como fonte de lecer....

Que máis razóns necesitas para achegarte a ler as nosas novas adquisicións??!!??

Agardamos por ti!!