FELICITACIÓN DE NADAL

Nestas datas tan sinaladas a nosa biblio recibiu este fermoso agasallo: os bonecos de Pancho e Flora, as nosas mascotas, feitos por unha mamá do cole. Polo que este ano son as protagonistas da nosa postal de Nadal xunto co PDI: o cine. Boas festas e próspero 2024.

RECOMENDACIÓNS LECT0RAS E XOGOS DE NADAL

Chegou o Nadal, esa época do ano que tanto lles gusta aos nosos nenos e nenas e por iso Pancho e Flora queren achegar a lectura ás vosas casas neste tempo de vacacións. No seguinte tríptico atoparedes suxerencias lectoras para Prelectores (3-6), primeiros lectores (6-8), lectores autónomos (8-10) , lectores avanzados (+11) e adultos. Este ano decidimos presentarvos tamén diferentes xogos para compartir tempo en familia, pasalo ben e seguir aprendendo! b

Boas festas e boas lecturas. Vémonos á volta!

CINE NO RECREO

Boas de novo! Nestas datas festivas de Nadal e seguindo a temática do noso PDI fixemos xornadas de cine durante os recreos. O alumnado desfrutou da curtametraxe "The snowman" inspirada no libro ilustrado de Raymond Briggs.

Aquí vos deixamos algunhas imaxes para que vexades o que gustou a proposta!

25 de Novembro: Día Internacional para a eliminación da violencia contra a muller

Boas de novo! Aquí compartimos as actividades que se levaron a cabo para conmemorar o 25N ao longo da semana. En primeiro lugar, desfrutamos do espectáculo Marta e a Píntega , un contacontos musical para o alumnado de Infantil ata 4º de Educación Primaria.

Os biblioaxudantes de 6º de Primaria fixeron unha selección de contos para traballar esta temática e promover o pensamento crítico.

Dende as titorías fixéronse diversas actividades que se plasmaron nestos murais:

Finalmente, todo o alumnado e profesorado fixo un lazo negro no patio e minuto de silencio.

BUZÓN DE SUXERENCIAS

Boas de novo! Pancho e Flora queren ter en conta as recomendacións dos lectores e lectoras do cole e é por iso que inauguramos o noso buzón de suxerencias! A maiores das novas incorporacións á biblioteca queremos darlle unha segunda vida a aqueles libros que xa non ledes, pero que se atopan en bo estado e sexan actuais. A partires do martes 14 de novembro e ata o martes 21 podedes aportar un máximo de dous libros por alumno/a. Graciñas pola colaboración

CONTACONTOS NA BIBLIO

Boas a todos! O 24 de outubro co gallo do Día das Bibliotecas Escolares tivemos a visita da profe Rosa, xa xubilada, que veu de novo á biblio para contarlles un conto aos pequenos do cole, o alumnado de Educación Infantil! Tan ben o pasaron que o 7 de novembro repetimos cun novo conto: Xaime e as Landras. Graciñas, profe Rosa, agardamos que volvas de visita moitas máis veces. Boas lecturas.

DÍA DAS BIBLIOTECAS ESCOLARES

O 24 de Outubro celébrase o Día das Bibliotecas Escolares e Pancho e Flora queren achegarvos un pedaciño da súa. É por iso que as mochilas viaxeiras partirán esta semana cara os vosos fogares con novidades.

ESTAMOS DE VOLTA!

Boas a todos e a todas de novo! Estamos de volta con moitas novidades, este curso Pancho e Flora preséntanvos o proxecto deste ano: Viaxando arredor do cine.

FIN DA VIAXE

VIAXANDO POLA CONTORNA

 Os rapaces de 3º B acompañaron a Pancho e Flora na súa viaxe pola contorna e aprenderon un montón.

Bo traballo.

AVENTURA LECTORA

Mergúllate con Pancho e Flora nesta aventura lectora.

VIAXANDO POLA CONTORNA

 O alumnado de cuarto de EP estivo a viaxar pola nosa vila e recollou moita información que plasmou nuns estupendos traballos. 

Bo traballo, rapaces!

APADRIÑAMENTOS LECTORES

 Co gallo do Día do Libro levamos a cabo apadriñamentos entre o alumnado.

SEMANA DO LIBRO

Velaquí tedes as actividades que se levaron a cabo na nosa biblioteca co gallo do Día do Libro.

Parabéns, rapaces.

  

OBRADORIOS NA BIBLIOTECA

VIAXAMOS POLA CONTORNA CON PANCHO E FLORA

 Os peques de 5º de Educación Infantil xunto coa súa mestra, María, desenvolveron este trimestre un fantástico proxecto arredor do PDI: Viaxando pola contorna. Velaquí tedes todo o que aprenderon. Bo traballo, rapaces.

DÍA INTERNACIONAL DA MULLER

Co gallo do 8 de marzo, Día Internacional da Muller, contamos na nosa biblioteca coa fotógrafa de Rañó, Carmen. Faloumos da súa traxectoria profesional nesta empresa familiar, das dificultades coas que se atopou ao longo do tempo e de como as superou.

Moitas grazas pola visita, Carmen.

MOCHILAS VIAXEIRAS

 As mochilas viaxeiras volven percorrer os fogares do noso alumnado con lecturas para peques e grandes.

En 5º de Educación Infantil están desenvolvendo un fantástico proxecto arredor dos habitantes da nosa biblioteca, os nosos ratiños lectores Pancho e Flora. Ademais, os peques teñen a sorte de levalos á sua casa e percorrer Vilagarcía con eles.