Recomendacións lectoras para as vacacións de Nadal

 

Decembro na nosa biblioteca: solidariedade, aprendizaxe e diversión

O mes de decembro chegou cargado de actividades no noso colexio, todas elas organizadas coa intención de fomentar valores como a solidariedade e a cooperación, ademais de contribuír ao cumprimento dos Obxectivos de Desenvolvemento Sustentable (ODS), en particular os relacionados co Fin da pobreza e Fame Cero.

Unha das iniciativas máis destacadas foi a donación de alimentos non perecedeiros. O alumnado participou activamente nesta acción solidaria, colaborando coa organización Cáritas para axudar ás familias que máis o necesitan. Grazas ao esforzo conxunto de toda a comunidade educativa, logramos recoller unha importante cantidade de alimentos que farán destas festas un pouco máis cálidas para moitas persoas.

Por outra banda, os nenos e nenas de 4º de Educación Infantil deron renda solta á súa creatividade coa gravación do podcast mensual. Este proxecto, no que compartiron as súas reflexións sobre temas relacionados cos ODS e as actividades do colexio, converteuse nun espazo para escoitar as súas voces e ideas.

Ademais, durante os recreos, o alumnado gozou da actividade de Cine no recreo, unha oportunidade para ver películas cheas de valores que fomentan a empatía, o traballo en equipo e o respecto. Esta iniciativa non só foi un momento de lecer, senón tamén unha forma de aprender dun xeito diferente.

Para pechar o mes, celebramos o tradicional festival de Nadal, onde os diferentes grupos de alumnos e alumnas nos agasallaron con actuacións cheas de música, baile e maxia. Foi unha xornada inesquecible que puxo de manifesto o talento e a ilusión dos nosos pequenos artistas.

Desde o equipo de biblioteca, queremos agradecer a implicación de todo o alumnado, profesorado e familias que fixeron posible este mes tan especial. Seguiremos traballando para que a nosa biblioteca sexa un espazo de aprendizaxe, solidariedade e creatividade para todos.

Desexámosvos unhas felices festas e un próspero ano novo! 🎄✨

Nadal solidario

Pancho e Flora nos traen unha proposta para ter un Nadal máis solidario.

A semana do 9 ao 13 de decembro levarase a cabo unha recollida de alimentos non perecedoiros.  O que máis se necesita son ovos, aceite, legumes, arroz, leite, ou produtos enlatados.

Os nenos e nenas poden deixar a súa doazón na aula de Relixión Evanxélica de 9:00 a 9:15. 

Todos xuntos deixamos pegada! 

O mes de Novembro na Biblio

Novembro no cole de Carril estivo marcado polo Obxectivo de Desenvolvemento Sustentable que escollemos para este mes: Igualdade de Xénero. Aproveitando a conmemoración do 25N (Día Internacional da Eliminación da Violencia contra a Muller) desenvolvimos unha chea de iniciativas ao redor dos valores de igualdade que podedes ver a continuación. 

Comezando pola proposta que dende a colección da nosa biblioteca temos para ofrecer sobre a temática da igualdade de xénero. No expositor da biblio os nenos e nenas do colexio tiveron unha morea de libros destacados coma os que vos deixamos por aquí.

Seguimos coa gravación do posdcast que mensualmente cada nivel estará realizando relacionado con cada ODS. Este mes foron os alumnos e alumnas de 3º de Primaria os encargados de levar o timón e temos que dicir que o resultado quedou ben xeitoso! 

Por outra banda, en sexto de Primaria participaron da man de Aquelar Sexoloxía nun obradoiro sobre violencia de xénero no que traballaron os estereotipos de xénero, a violencia machista en todas as súas formas así como actitudes machistas do día a día sobre os que puidemos reflexionar. Se queredes saber máis sobre esta actividade, botádelle un ollo ao Instagram do colexio en "ceiprosalia_carril". 

A continuación destacamos a actividade que argallaron dende o Equipo de Igualdade do centro para celebrar o 25 de novembro: un "cover" da canción La puerta violeta de Rozalén pero en Lingua de Signos Española! Entrade na páxina web do centro para poder velo! 

Por último destacamos outras accións coma o mural de "La puerta violeta" nun dos corredores do colexio, o "buzón violeta" ou outras actividades desenvoltas a nivel de aula que tamén nos axudaron a visibilizar e tomar conciencia da Igualdade de Xéneros.

Nada máis polo de agora! Despedímonos ata o vindeiro mes de decembro! Avur!

Genially dos ODS

Boas de novo!
Se premedes AQUÍ vos deixamos o Genially dos ODS onde podedes consultar os episodios mensuais de Ameixa Radio e todo o que estamos aprendendo. No mes de outubro centrámonos no ODS número 3: saúde e benestar e neste mes de novembro imos abordar a temática da igualdade de xénero. Vémonos axiña!

Estreamos Bibliopatio!

Boas de novo! Este mes de outubro estrenamos o Bibliopatio nos recreos! É un carriño viaxeiro que contén libros, cómics e xogos para todo o alumnado e que está xestionado polos Biblioaxudantes de 5º e 6º. Tivo moi boa acollida, desfrutamos das lecturas e xogos co bo tempo e dinamizamos o noso patio! Vémonos deseguido!

Mochilas viaxeiras

Boas de novo! Aproveitando o Día das Bibliotecas Escolares, Pancho e Flora decidiron poñer en marcha as mochilas viaxeiras cara os fogares de todos os nenos do cole. Que teñades boas lecturas!

Día das Bibliotecas

Boas de novo! O 24 de Outubro celébrase o Día das Bibliotecas Escolares e como non podía ser doutro xeito a biblioteca de Pancho e Flora foi lugar de acollida para unha foliada con integrantes do Coro de Carril. A mestra Pilar Garrido visitou o noso cole para cantar a foliada de Carril, a saia da carolina, o coro da fala e moitas máis cantigas que fixeron que nesta data tan especial a biblioteca estivese chea de música e tradición. Podedes atopar máis información desta actividade na nosa páxina de Instagram e na web do centro.

Presentación da temática deste curso

Boas a todos e a todas de novo! Este ano o proxecto da nosa Biblioteca tratará sobre os obxectivos de Desenvolvemento Sustentable. Os obxectivos de desenvolvemento sustentable son unha lista de 17 prioridades globais adoptadas pola Organización das Nacións Unidas (ONU) e polos países que a forman. O que se busca con estes é:erradicar a pobreza, protexer o planeta e asegurar a prosperidade para todos e todas. Ao longo deste curso iremos vendo como podemos incorporar estos obxectivos na nosa vida e contribuir ao seu cumprimento. Todos xuntos deixamos pegada!

Recmendacións lectoras para o verán

Chegaron as vacacións de verán e con elas máis tempo libre para ler! Recordade...os libros son os mellores compañeiros de viaxe! Pancho e Flora decidiron deixarvos tamén algúns xogos para seguir compartindo tempo en familia estemos onde estemos. Bo verán a todos e todas!

Estrenamos bancos de lectura!

Boas de novo>! Como veríades en publicacións anteriores, agora tempos novos recunchos de lectura no patio, varios bancos de cores que estrenamos no Día do Libro e foron todo un éxito entre o alumnado! Aquí vos deixamos algunhas imaxes.

Resumo da Semana do Libro

Aquí vos compartimos moitas das acatividades realizadas no noso centro na Semana do Libro!

Vídeo Bookface

Compartimos con vós o resultado do Bookface, a actividade proposta para conmemorar o Día do Libro. Moitas gracias pola vosa colaboración. Agardamos que vos guste!

Bookface

Animádevos a participar na actividade do Día do Libro! Facede chegar as vosas fotos aos titores/as antes do 21 de abril!

Actividade do Día do LIbro

BOas de novo! Dentro das actividades programadas na Semana do Libro convidámosvos a participar na realización dun bookface con libros con adaptación cinematográfica. Dita actividade consiste en seleccionar un libro e integrarnos na súa portada para logo realizar unha fotografía. No expositor da nosa biblioteca temos varios títulos seleccionados. Facédelle chegar as vosas fotos ás persoas titoras do alumnado antes do día 21 de abril. Aquí vos deixamos algún exemplo!

ACTIVIDADES DO MES DE FEBREIRO

Este mes de febreiro estivo cheo de actividades no noso centro polo que decidimos realizar un Padlet para non esquecernos de nada. Aquí vos deixamos un petisco do Entroido, do Día da Muller e a Nena na Ciencia, do Día de Rosalía e das primeira charlas que Rebeca Solla, actriz galega, veu dar ao noso centro.

DÍA DA PAZ

Día da Paz e da Non Violencia Todos grupos da escola escolleron unha película e reflexionaron sobre a mensaxe que transmitía e como esta contribuía á paz. Logo, os resultados de todas as aulas se plasmaron nun mural de cine colectivo. Por outra banda, tamén se organizaron contacontos grazas á colaboración do alumnado de 5º e 6º de Educación Primaria que fixeron sesións de contacontos na Biblioteca e no patio. Os títulos escollidos para esta data tan sinalada foron Wangari e as árbores da paz, Paz en el jardín e Con mis palabras. Aquí compartimos algunhas imaxes !