O pasado 24 de outubro celebrouse o Día das Bibliotecas,
un día moi especial no que render homenaxe a eses espazos
onde tan fantásticas aventuras podemos vivir.
Neste ano tan atípico, dende a Biblioteca de Pancho e Flora,
quixemos render unha especial homenaxe ás Bibliotecas.
Pero non a unhas biblios calqueras,
se non as bibliotecas que nos acompañan e acompañarán toda a vida...
"As nosas bibliotecas personais",
as que se van construindo pouco a pouco nas casas,
grazas aos papás e mamás, aos avós e avoas,
e incluso grazas aos amiguiños e amiguiñas.
Esas bibliotecas tan ben construidas e
que encerran tantas e tantas aventuras,
historias, viaxes, lembranzas...
Velaquí vos deixamos unha pequena recompilación
das aportacións feitas polo alumnado
na honra destas bibliotecas tan especiais.
No hay comentarios:
Publicar un comentario