DEPORTES: MULLERES NOS XOGOS OLÍMPICOS

O alumnado de 3º tamén fixo o seu mural e ben bonito que lles quedou. O tema elexido foi "Mulleres nos Xogos Olímpicos".

LETRAS GALEGAS 2019

Este ano o Día das Letras Galegas adícaselle a

Antonio Fraguas Fraguas. Este escritor, historiador, antropólogo e etnógrafo, escribiu unha chea de libros e artigos nos que defendía a cultura galega.

No cole fíxemos o noso acto de celebración desta data tan importante. Os máis pequenos leron unhas cantigas, os maiores faláronnos da vida deste escritor e a profe Malena co alumnado de 5º puxo a nota musical. 

Botádelle un ollo ás fotos e fixádevos nos divertidos bailes de tranca que crearon os nenos e nenas de 1º. 

                              

VISITA IAGO LÓPEZ

A semana pasada os peques do cole, Ed. Infantil, 1º e 2º, tiveron a visita de Iago López. Contoulles o seu conto O cociñeiro Martiño e as cenorias desaparecidas. Atoparíanas? Teremos que preguntarlles.

XORNADAS DEPORTIVAS

Como este curso Viaxamos co xogo e o deporte, non podiamos rematar sen unhas xornadas deportivas. Grazas ao  profesorado e alumnado do ciclo superior de Actividades Deportivas TAFAD, os nosos peques pasaron un par de mañás ben divertidas. 

O noso agradecemento a estes futuros profesionais que o deron todo. O resultado non nos puido gustar máis! Agardamos que queiran repetir a súa visita en vindeiros cursos.

Botádelle un ollo ás fotos na páxina do cole. Aquí deixámosvos un vídeo do final da xornada para que vexades como disfrutamos.

LECTURA DUNHA CHEA DE CONTOS

A semana pasada, o noso alumnado, escolleu no corredor o conto que máis lle apetecía. Este luns fórono escoitar aos distintos espazos que temos polo cole. Gustaríalles? Agardamos que si!

UNHA CHEA DE CONTOS

Esta semana no corredor do noso cole apareceu un listado de contos. Os nenos e nenas escollerán  o que máis lles gusta para que llo conten o luns da vindeira semana. Quen? Sorpresa!!

                                                                          

                                                     

DÍA DO LIBRO

O 23 de abril celébrase o Día do Libro, e no noso cole, como ven sendo habitual, saímos fóra das aulas a ler. Este ano a chuvia non nos deixou desfrutar das lecturas no patio, pero as escaleiras e os corredores servíronnos, pois calquera sitio é bo se temos ganas de ler.