UNHA CHEA DE CONTOS

Esta semana no corredor do noso cole apareceu un listado de contos. Os nenos e nenas escollerán  o que máis lles gusta para que llo conten o luns da vindeira semana. Quen? Sorpresa!!

                                                                          

                                                     

DÍA DO LIBRO

O 23 de abril celébrase o Día do Libro, e no noso cole, como ven sendo habitual, saímos fóra das aulas a ler. Este ano a chuvia non nos deixou desfrutar das lecturas no patio, pero as escaleiras e os corredores servíronnos, pois calquera sitio é bo se temos ganas de ler.

NOVIDADES NA BIBLIOTECA

Á biblioteca de Pancho e Flora chegaron algunhas novidades. Son uns libros preciosos, con moitas imaxes, que lle van gustar especialmente aos amantes da natureza. Buscádeos no noso expositor.

O DEPORTE E A MULLER

O alumnado de 6º de E.I. lémbranos no mural do seu corredor a moitas das mulleres que destacaron no mundo do deporte. Botádelle un vistazo xa veredes cantas hai!!

VISITA CELTIA FIGUEIRAS

O alumnado de E.I. tivo esta semana a visita da escritora Celtia Figueiras, que é a autora das letras do libro-CD Cantamos? de Luis Vallecillo. Podédelo atopar na biblioteca.

SEMANA DA PRENSA

Na semana da prensa o noso alumnado fixo distintas actividades. Deixámosvos as fotos dos traballos dos máis pequenos.

Alumnado de 5º de E.I.

Alumnado de 6º de E.I.

21 DE MARZO

O 21 de marzo é o Día Mundial da Síndrome de Down. Desde o noso cole sumámonos a esta celebración con calcetíns diferentes.

Ademais, xa temos dispoñible na nosa biblio o libro "Pepita es especial" que nos lembra que as persoas con esa condición cromosómica fan unha vida normal, son moi felices e fan felices aos que os rodeamos.