CLUB DE LECTURA

 Da comezo o noso club de lectura, este curso da man da profe Chus. Animádevos a participar.

Club de lectura

 Este ano é un ano de cambios...

Cambios no protocolo de entrada á Biblio...

Cambios na organización de Ameixa Radio...

Cambios no préstamo dos libros...

Cambios no horario da Biblio...

E tamén cambios no Clube de Lectura...

Este ano, colle o relevo do Club de Lectura a mestra Carla

cargada de novas enerxías para conseguir 

que o noso alumnado lle colla

 cada vez máis gusto á lectura.

Neste primeiro trimestre comezarán coa lectura de

"Dúas bágoas por Máquina".

Unha fermosísima historia escrita por Fina Casalderrey 

e gañadora do Premio Merlín no ano 1991.

Lecturas compartidas

Ola a todos;

O Club de Lectura "Tira da páxina" do IES Miguel Ángel de Carril con: Iria, Irene, Aroa, Noa, Sara, Stephanie, Nicole e Noa Santiago acompañadas das mestras Pilar e Manuela xunto co mestre Miguel, chegaron ao noso colexio con moitas ganas.

Algunhas das contacontos xa estudaron no  noso cole así como o mestre Miguel tamén traballou moitos anos aquí. 
Voltar ao cole non está nada mal.

Fixeron dúas sesións para o alumnado de infantil e tempos que dicir que foi...

FANTÁSTICO!

Contos curtos, cantareiras e como non...globos! 

Unha mistura xenial!

Os nenos e nenas do noso cole,
 non pestanexaban do entretidos que estaban
 e as mestras...temos que dicir que quedamos 
mooooiiiii contentas e agradecidas 
polo bo traballo realizado.

No seguinte enlace, podedes escoitar unha pequena entrevista para Ameixa Radio realizada ás compoñentes do Club de Lectura "Tira da páxina".

Os lóstregos

Ola a todos e todas,

Hoxe comeza o segundo grupo do club de lectura 

"Os lóstregos". 

Vexo moito entusiasmo neste alumnado, 

penso que imos pasar uns entretidos venres no recreo.

Lembramos que xa temos en marcha a conta atrás para que os compoñentes do club de lectura "Pasa a páxina" do Instituto de Carril veñan ao cole para contarnos un conto aos amigos e amigas de infantil.

Unha aperta

A profe Regina

Clube de lectura rematou

Ola a todos e todas:

Dende o Club de Lectura "Os Lóstregos" informamos que xa rematou o grupo 1 e quedaron moi sorprendidos. 

Tiveron unha versión crítica dos contos clásicos. 

Despedíronse cunha gran sorpresa, A CAIXA DE BICOS que a finais do curso pasado nos entregou o Club de Lectura do IES Miguel Ángel de Carril.

Apertas grandes

Profe Regina

Clube de lectura

Este curso 2019/2020, comeza a andaina do

Clube de lectura " Os lóstregos".

Hai unha única clase de 6º de primaria pero aínda así participan moitos dos alumnos/as.

Comezamos co libro "Cuentos en verso para niños perversos", do coñecido escritor Roald Dahl, seguro que vos é moi coñecido por ser o autor de contos como "Charlie y la fábrica de chocolate".

Así, procuraremos ter unha visión crítica dos contos clásicos.

Eu, Regina, estou moi leda, como un ano máis da alta participación.

Así que.... 

¡¡ VIVA A LECTURA E VIVAN OS LÓSTREGOS!!