RECOMENDACIÓNS NADAL

http://www.edu.xunta.es/centros/ceiprosaliacarril/

Pitiño Pispín

Os alumnos de primeiro A e B coñecimos á escritora vilagarciá Gloria Sánchez. Traballamos o poema Pitiño Pispín do seu libro de poemas "Rimas con letra".

A nós gustounos moito e agora querémolo compartir con todos vós!

OS PEQUENOS TAMÉN LEMOS

Ola a todos e a todas,hoxe os alumnos de Educación Infantil estivemos lendo este libro:

 

 

Gustounos moooiiito e agora queremos recomendalo para ler e tamén debuxar coma fixemos nós.

 

VÉMONOS PRONTO

 

 

OUTONO

A nosa Biblioteca vístese de outono para que ben abrigadiños podades ler contos a moreas. Se vos animades a visitar a Pancho poderedes ler moitos libros sobre esta estación que vos agardan no noso expositor.

PANCHO

Esta semana todos queremos coñecer a Pancho. Pancho está sentadiño, agardando, lendo moitos contos para logo contarllos aos nenos e nenas do cole de Carril. 

Cando non chova, os titores e titoras daranvos unha tarxeta verde para ir á Biblioteca no recreo... Si!, si! escoitastes ben, agora no recreo tamén podemos aproveitar para o que máis nos gusta: ler libros!

Cando cheguedes á Biblioteca lembrade que Pancho é, ademais da nosa mascota, o gardíán do silencio. Así que shshshshshshshshshs... imos axudar a Pancho.

A nosa mascota

Aínda non vos enterastes? Pois si, na biblioteca do cole de Carril xa temos mascota!

O curso pasado fixemos un concurso para escoller unha. Moitos foron os participantes e todas as mascotas nos gustaban. Foi moi difícil decidir pero, ao final, Pancho foi o personaxe elixido para este labor. 

Estas foron as mascotas finalistas:

 

E Pancho...

 Pancho? Pancho? Onde estás?...

Non volo podemos presentar agora porque está lendo e cando Pancho le hai que estar moi caladiños.

Moi prontiño presentarémosvos a Pancho... Agardádenos!