Día do libro: #retoportadadelibros

Protagoniza a portada do conto!

Xa queda pouco para conmemorar o Día do Libro 

que será o vindeiro xoves 23 de abril.

Por iso, dende o Equipo de Biblioteca do cole, 

querémosvos propoñer o

#retoportadadelibros.

En que consiste? 

Simplemente tes que escoller un conto/ libro/ álbum ilustrado que che guste, fixarte na portada e intentar recreala...

Para isto...podes disfrazarte, buscar todo tipo de accesorios ( gafas, variñas máxicas, manteis, cadeiras, peluches, bonecas...) 

e incluso pode participar toda a túa familia!!

Cando a teñades preparada, sacade unha foto e mandala ao correo electrónico:

bibliocarril@gmail.com

Animámosvos a tod@s a participar!!

P.D.: E si por si algún de vós...aínda non ten moi claro como vai...velaquí vos deixo un enlace no que poderedes inspirarvos.

Preme no seguinte enlace: reto portada de libros

Recomendacions: Rede Lectura

Bo día lectoriños e lectoriñas,

Ás veces non sabemos moi ben que ler durante estes días, 

chegan a nós un millón de recomendacións lectoras e non se sabe 

moi ben que escoller...

É por iso que, hoxe, gustaríanos compartir con vós 

o Blog "Rede Lectura",

un espazo onde nos recomendan distintos tipos de lectura 

adaptadas a cada idade.

Esta semana, propóñennos unha chea de contos 

e libros adicados á cociña...

Preme no seguinte enlace e descubre todo un mundo de posibilidades lectoras.

Blog "Rede lectura"

E ti, atréveste a facer algunha 

das receitas

 que che propoñen?

Anímate e mándanos unha foto a:

bibliocarril@gmail.com

Nova contada: Rata linda de Compostela por Merchi Pimentel

Queredes escoitar, ver, sentir....

unha cousa fermosa, fermosísima??

Pois premede no enlace que vos levará a unha nova contada

por parte da nosa amiga e gran contacontos,

Merchi Pimentel.

Nesta ocasión, cóntanos a historia de 

"Rata linda de Compostela"

** Escrita por Bernardino Graña

** Ilustrado por Manolo Uhía

**e  coa música do Cuarteto Caramuxo e Deolinda.

Non volo podedes perder!!

E si tamén tes madeira de contacontos...

Non o dubides e envíanos a:

bibliocarril@gmail.com

a túa achega!!

Clube de lectura "Os lóstregos"

Dende o clube de lectura do cole “Os lóstregos”,

 a mestra Regi nos achega unha interesantísima actividade.

O libro que estabamos a ler e xa a piques de rematar

(espero o teñades rematado)

 “Cuentos para jugar" de Gianni Rodari, 

conta pequenas historias con tres finais diferentes 

e ao analizalas sempre podiamos relacionalas 

con algunha situación social 

de plena actualidade 

por moi rara que fose a aventura.

Velaquí vai a actividade!!!!!

Actividade aberta a todo o alumnado!
( no só os do club de lectura ;) )

Anímate!!

Que vos parece se sodes autores e non só lectores?

Sigue os pasos que aparecen aquí debaixo

 e verás como che saen historias moi divertidas!!

Cando xa o teñades rematado, enviádelo ao correo da biblio:

bibliocarril@gmail.com

Para que todos e todas poidamos ler 

as historias que nos tendes que contar!

 Poñede a vosa imaxinación a voar!

Día do Libro Infantil e Xuvenil - 2 abril

DÍA INTERNACIONAL DO LIBRO INFANTIL

2 ABRIL 2020

Como en anos anteriores (aínda que este sexa diferente) o IBBY (International board on books for young people) chama á conmemoración do Día do Libro Infantil o 2 de abril, data de nacemento de Hans Christian Andersen, que escribiu contos que moitos/as coñecedes: El patito feo, La sirenita, El soldadito de plomo, El sastrecillo valiente, La reina de las nieves, La vendedora de fósforos... 

O obxectivo é promocionar os bos libros infantís e xuvenís e a lectura entre os máis novos. 

   

Aínda que a situación é excepcional, 

non quixemos perder a oportunidade 

de propoñervos distintas opcións para 

pasar este tempo na cada

 coa axuda da lectura.

Premede sobre cada un dos distintos enlaces!

Campaña "Con vós na casa": Descarga de lecturas para tódalas idades Como liberar o potencial do voso neno: Kit completo de actividades Montessori 0-2 anos Campaña "Olla O Papagaio": Descarga de exemplares do xornal Contos contados en Kalandraka TV Dende o seu grupo A Xanela do Maxín ofrece o video completo da obra: A toupiña que quería saber quen lle fixera aquilo na cabeza. Están a preparar unha serie de ebooks con relatos selectos dos seus títulos máis míticos. Xa tedes algún dispoñible en formato .epub Podedes descargar o novo cómic, "Carriandola" E se ti coñeces algún outro enlace, que nos axude a achegar  máis literatura para os nosos peques, non dubides en dicírnolo a través de: bibliocarril@gmail.com

    

Agasallos que namoran!!

Non vos podedes imaxinar o felices que estamos hoxe!!

Esta mañá, quixéronnos sorprender 

cun fermosísimo agasallo!

A contada dun conto, que xa de por si é marabilloso 

pero...se lle sumamos a voz dunha persoa 

moi especial do noso cole...

Pois  namoramosnos aínda máis do conto!

Merchi, xunto coa súa filla 

( a artista que lle puxo música), quixo compartir con todos nós 

o conto de 

"A voda do Galo Pinto"

escrito por Juan A. Belmontes

e ilustrado por Natalie Pudalov

Grazas Merchi por agasallos tan cheos de vida!

E ti, anímaste a facer algo parecido coa túa familia?

Grava un audio ou un vídeo coa axuda dun móbil.

Poder saír ti solo ou acompañado dos teus seres queridos.

E envíanolo ao seguinte enderezo:

bibliocarril@gmail.com

Indicando o teu nome, curso e 

o título do libro que escolliches.

Participa!!

Día Mundial do Teatro - 27 de Marzo

Dende o ano 1962, 
o Instituto Internacional do Teatro (III)

estableceu estada data como o 

Día Mundial do Teatro,

día no que se lembra a apertura do 

Teatro das Nacións en París.

O obxectivo desta data non é outra que promover o teatro arredor do mundo,

crear conciencia sobre o seu gran valor

e poñer en valor a forma de arte teatral.

Con este motivo, queremos lembrar a 

achega que nos fixo un pequeno grupo de 

alumnos e alumnas de 5º primaria 
a Ameixa Radio.

Velaquí vola deixamos de novo!

Escoitádea!

Ademais, a Asesoría de Bibliotecas Escolares de Galicia quixo compartir

na súa páxina web múltiples recursos moi ben escollidos.

Se premedes nas imaxes, 
teredes acceso a distintas obras de teatro.

- Caramuxo Teatro comparte "Na Casa", teatro para bebés con música e canción

 Tanxarina Títeres: A Galiña Azul

E ti, anímaste a facer un "RadioTeatro",

 ou un "Teatro de títeres". 

ou quizáis..."Un teatro de sombras"??

Anímate con calquera destas propostas, grávala en vídeo ou audio coa axuda da túa familia e envíanola a 

bibliocarril@gmail.com

para que a poidamos compartir no noso blog!