LECTURAS NADAL

Marchamos de vacacións! Se aínda non sabedes que agasallos pedir a Papá Noel, ao Apalpador ou aos Reis Magos, aquí vos deixamos unhas suxestións de libros ben interesantes.

FELICES FESTAS E FELICES LECTURAS!!!

Máis Paz Antón

Tal e como nos prometera, pasou Paz Antón polo cole e desta vez visitou todas as clases para compartir con nós a súa experiencia no mundo da pintura.

Gustounos moitísimo e sóubonos a pouco. Agradecémoslle enormemente o tempo que nos adicou e deixámosvos un vídeo das sesións nas distintas clases.

Novo mobiliario

Temos novo mobiliario na biblio.
Mirade como lles gusta aos compañeiros/as de cinco anos.

Paz Antón

Este ano o proxecto da nosa biblioteca titúlase "Viaxando... coas cores".

Comezaremos estudando a obra dun pintor da zona, Paz Antón.

A semana pasada visitounos e, o alumnado de 5ºB, fíxolle unha entrevista. Despois contarannos o que lles dixo para que todos e todas o coñezamos un pouquiño máis.
En breve, volverá a visitarnos. Agardámolo con ilusión.

Deixámosvos unhas fotos deste artista.

CLUB DE LECTURA

Ola a todos e todas, este curso damos comezo a unha nova actividade da biblioteca, "Club de Lectura".
Os alumnos e alumnas de 6º, de maneira voluntaria, no tempo de recreo do venres, reunímonos na biblioteca para dar as nosas opinións sobre o libro que estamos a ler.
Pareceunos moi axeitado comezar cun "photocall" e mergullarnos así no libro "Cuentos en verso para niños perversos". Unha visión diferente dos contos clásicos (Carapuchiña, Cincenta, Os tres porquiños...)
Así reflexionamos ou cuestionámonos moitas accións tanto dos contos tradicionais como do que estamos a ler.
Os participantes deste club fixemos un mural e unha búsqueda de información sobre o autor Roald Dahl. 
Así sabemos que foi un novelista e autor de contos británico. Naceu en 1916 e faleceu en 1990. Este 2016 fai 100 anos do seu nacemento e, por iso, é un momento especial.
Algunhas das súas obras máis importantes son: 
- Charlie y la fábrica de chocolate (deste libro hai a peli e é moi boa).
- El superzorro.
- Las brujas.
- El gran gigante bonachón.

E dende aquí, a nosa páxina, un aplauso moi grande para todos os que participades nesta actividade.

SAMAÍN

Remata o mes de outubro e entra novembro.
Pancho e Flora déixanvos unhas suxestións de lecturas terroríficas acordes con estas datas.
Podedes atopalas no expositor da biblio.

Non vos asustedes... ou si!!

Comezamos!

Queridos nenos e nenas, 
Pancho e Flora queren contarvos algunhas novidades que temos este curso na biblioteca.
Ao igual que o ano pasado, podedes vir nos recreos de luns a xoves. 
E que podedes facer? Pois....

• Ler.
• Consultar información e os blogues do cole nos ordenadores.
• Debuxar e colorear.
• Xogar cos xogos de mesa.

Os venres, ímosllos reservar aos maiores. A profe Regina formou un clube de lectura ao que se pode apuntar o alumnado de sexto.

Esperamos que vos gusten os cambios.
Agardámosvos!!!